ഇന്ന് മാങ്ങ പെറുക്കാന്‍ പോയപ്പോള്‍ വല്ല്യുമ്മ ഞങ്ങളോട് പറഞ്ഞു,”കുട്ടികളേ,ഞാന്‍ നിങ്ങള്‍ക്കൊരു പാട്ടുപാടിത്തരാം.” പുനര്‍ജ്ജനി (1948-49 കാലത്ത് അരീക്കോട് ജി.എം.യു.പി.സ്കൂളില്‍ ഒരു വാര്‍ഷിക ദിനത്തില്‍ വല്ല്യുമ്മ അവതരിപ്പിച്ച ആംഗ്യപ്പാട്ട്.)
പോരിന്‍ ചങ്ങാതിമാര്‍കളേ വേഗം-
പോവാം നമ്മള്‍ക്കാ മാവിന്‍ചുവട്ടില്‍
തേനൊഴുകുന്ന മാങ്ങകളല്ലേ-
തേനേന്മാവില്‍ നിന്നങ്ങുതിരുന്നു
ഉച്ചതെന്നലാ മാവിന്‍ കൊമ്പെല്ലാം
മെച്ചമോടെ കുലുക്കുന്നു മെല്ലെ
മാങ്ങയൊന്നതാ വീഴുന്നു ദൂരെ
മാങ്ങയൊന്നിതാ വീഴുന്നു ചാരെ
അണ്ണാരക്കണ്ണനാ മാങ്ങകളെല്ലാം
എണ്ണിയെണ്ണി നടക്കുന്ന പോലെ
ഓടി നമ്മള്‍ക്കു മാങ്ങ പെറുക്കാം
പാടിയാടി നമുക്കു രസിക്കാം
(പോരിന്‍.....)
