ഞാനും തുഞ്ചന്‍പറമ്പിലെത്തി...

ഇന്ന് തുഞ്ചന്‍പറമ്പില്‍ നടന്ന ബ്ലോഗേഴ്സ് മീറ്റിങ്ങില്‍ എന്റെ ഉപ്പയുടേയും അനിയത്തിയുടേയും കൂടെ ഞാനും പങ്കെടുത്തു. പല മുതിര്‍ന്ന ബ്ലോഗേഴ്സിനേയും നേരിട്ട് കാണാന്‍ എനിക്ക് വീണ്ടും അവസരം ലഭിച്ചു.ചെറായി ബ്ലോഗേഴ്സ് മീറ്റിങ്ങിനു ശേഷം ബ്ലോഗറായ ഞാന്‍ പങ്കെടുക്കുന്ന ആദ്യത്തെ ബ്ലോഗ് മീറ്റിങ്ങാണിത്‌.നിയമസഭാ ഇലക്ഷനില്‍ മുഖ്യമന്ത്രി വി.എസ്.അച്ചുതാനന്ദനെതിരെ മത്സരിച്ച ലതിക ചേച്ചി അന്നത്തെ സൌഹൃദം പുതുക്കിയപ്പോള്‍ എനിക്കത് വല്ലാത്ത ഒരു അനുഭവമായി.കൂടാതെ എന്റെ ബ്ലോഗിനെ ഇന്‍ഫോമാധ്യമത്തിലൂടെ പരിചയപ്പെടുത്തിയ ,എന്റെ ഉപ്പാപ്പയുടെ പ്രായമുള്ള വി.കെ.അബ്ദു സാഹിബിനെ നേരിട്ട് കണ്ടതും വലിയ ഒരു അനുഭവമായി. (തുഞ്ചന്‍പറമ്പിനെക്കുറിച്ച്, മുമ്പ് എന്റെ തന്നെ മറ്റൊരു പോസ്റ്റില്‍ എഴുതിയിരുന്നതിനാല്‍ വീണ്ടും എഴുതുന്നില്ല)